Денеска е ден на жалост во Чешка, откако 24-годишен студент во четвртокот во пукотницата на Карловиот универзитет уби 14 и рани 25 лица, а потоа се самоуби.
Претседателот Петр Павел и други државни функционери присуствуваа на мисата за загинатите во катедралата Свети Вит, јавува Radio Prague International.
Во Прага, како и во другите чешки градови, се засилени мерките за полициски надзор, а полицајци патролираат по улиците во пресрет на божиќните празници, ги надгледуваат пазарите, трговските центри и други места каде што се собира голем број луѓе.
Културните настани за време на божиќниот викенд се откажани, а сите јавни настани ќе започнат со едноминутно молчење.