Веста дека 14 годишната Вања е убиена ја вознемири цела македонска јавност. Гнев, неверување дека некој би можел поради користољубие да посегне по животот на 14 годишно дете. Јавноста бара објаснување од институциите и повеќе информации, но истовремено изразува и гнев што во случајот се осомничени дури 5 лица.
И тоа истите лица се осомничени и за убиството на повозрасниот велешанец.
Социјалните мрежи изобилуваат со коментари за тоа каква казна треба да ги стигне сторителите. Веднаш почна да се шири и петиција која за само неколку минути веќе има солиден број потписи.
Со петицијата се бара воведување на смртна казна за убијците на Вања.
Во дел од коментарите се вели и да се воведе посебна казна – како лекс-специјалис за овој случај, бидејќи „ затворска казна колку и да е голема во Македонија, не е соодветна казна за овие монструми“.
Социјалните мрежи вријат и многу родители, а и цела Македонија ќе останат вознемирени. Се очекуваат повеќе информации во деновите што следат, откако Обвинтиелството и МВР ќе можат да изнесат повеќе детали.
Во вечерашното соопштение се вели дека по преземени опсежни мерки и активности од страна на полициски службеници од СВР Скопје, денеска во околината на Скопје е пронајдено безживотното тело на малолетната В.Ѓ., која беше пријавена за исчезната на 27.11.2023, а во околината на Велес е пронајдено и телото на П.Ж.(74) од Велес, кој на 24.11.2023 беше пријавен за исчезнат.
Во врска со двата случаи, осомничени се пет лица, од кои за три се бара мерка притвор, едно е надвор од државата, а едно лице во моментов е во полициска станица.
Воедно, наспроти шпекулациите и дезинформациите според кои овој случај има етничка заднина, информираме дека сите осомничени се од македонска етничка припадност“, известија вечерва ОЈО и МВР.