Маж е убиен, а двајца се повредени во напад со нож и чекан на улица во центарот на Париз. Францускиот министер за внатрешни работи Жералд Дарманин изјави дека напаѓачот ги нападнал жртвите кои биле туристи околу Кеј де Гренел, кој се наоѓа во близина на Ајфеловата кула. Тој додаде дека уапсениот 26-годишен француски државјанин од претходно им бил познат на безбедносните служби.
French police arrest Islamic terrorist in Paris who killed one person and injured two shouting "Allah Akbar". pic.twitter.com/B5xR1CbsNd
— RadioGenoa (@RadioGenoa) December 3, 2023
– Осомничениот се приближил до туристите и го избодел германскиот државјанин до смрт, рече Дерманин.
Човекот потоа со чекан нападнал уште две лица пред да биде запрен и уапсен. На повредените им помогнала Итната помош.
Terrorist attack in Paris with hammer and knife shouting "Allah Akbar". One dead and two injured. pic.twitter.com/puhYBn5Kwj
— RadioGenoa (@RadioGenoa) December 2, 2023
Дарманин рече дека наводниот напаѓач извикал „Алах Акбар“, што значи „Бог е голем“, а подоцна на полицијата и рекол дека е вознемирен бидејќи „толку многу муслимани умираат во Авганистан и Палестина“.
Тој рече дека осомничениот бил осуден на четири години затвор во 2016 година за планирање посебен напад и бил баран од француските безбедносни служби.
-Исто така, познато е дека човекот страдал од психијатриски нарушувања, рече Дарманин.
Обвинителството за борба против тероризмот соопшти дека ја презело истрагата. Пишувајќи на X, францускиот претседател Емануел Макрон изрази сочувство до сите погодени од „терористичкиот напад“ и им се заблагодари на службите за итни случаи за нивниот одговор.
„Националното обвинителство за борба против тероризмот ќе биде одговорно за расветлување на оваа работа за да може правдата да биде задоволена во име на францускиот народ“, рече тој.