Изложба на партизански слики во Музејот на тетовскиот крај

Од:

Изложба на уметнички слики посветена на борците на Третиот тетовски партизански одред и други борци од Тетово беше денеска отворена во Музејот на тетовскиот крај.
Посетителите имаа можност да погледнат оригинални ликовни дела изработени врз основа на фотографии на борците.

Од Здружението на борците од Тетово велат дека изложбата што ќе биде отворена во следните десет дена е почеток на одбележувањето на 69-годишнината од несреќниот настан во гостиварското село Беличица, каде што на 19 септември 1944 година, опколени од фашистичко-балистичкиот окупатор, по шестчасовна борба загинаа 19 борци на Третиот тетовски партизански одред, меѓу кои и народните херои Ѓоце Стојчески-Амбарче и Тодор Ципоски-Мерџан.

„Одбележувањето на овој и на други значајни датуми и настани од Нардоноослободителната борба е законска, цивилизациска , морална и, пред сѐ, наша човечка обврска и долг кон сите оние наши сограѓани од сите националности што се бореа и многумина од нив и ги дадоа своите животи за денешните придобивки“, вели Јовица Теофиловски , син на прежиеаниот борец од Беличица Сретен Тофиловски, кој со девет прострелни рани бил ослободен од страна на балистичкиот водач Џемо Хаса.

Присутните на изложбата уште еднаш го актуализираа прашањето околу проблемот со бистите на народните херои Тодор Ципоски-Мерџан и Ѓоце Стојчески-Амбарче.

Од локалните власти бараат тие повторно да бидат поставени на Градскиот плоштад, откако пред четири години беа отстранети поради неговата реконструкција.

Г.М.

Би можело да ве интересира

Втор пат за еден ден, дел од Тетово е без струја

Дефект на трафостаница во Тетово, без струја околу 5000 корисници

Поднесена иницијатива за испитување на уставноста за преименување на улиците во Тетово од 2007 година

24-годишно момче од Тетово си го истепа три години постариот брат

Сојузот на борци преку отворено писмо бара да нема промена на имиња на улиците во Тетово

А1он

Одбележани 24 години од загинувањето на полицаецот Момир Стојановски