Хамас преку катарските посредници објави дека е подготвен да ослободи до 70 жени и деца во замена за петдневно примирје.
„Примирјето треба да вклучи целосен прекин на огнот и да овозможи испорака на хуманитарна помош низ Појасот Газа“, изјави портпаролот на Хамас Абу Убаид, пренесе Ројтерс.
Тој ги обвини израелските власти дека избегнуваат договор за ова прашање.
На 7 октомври, кога започна нападот врз Израел, Хамас зеде како заложници повеќе од 200 луѓе и тие се во Појасот Газа.