Милијардерот Илон Маск зборуваше за моменталната ситуација на Блискиот Исток во интервју за американскиот подкастер Лекс Фридман.
Илон Маск истакна дека во речникот нема збор за да се опише моменталната ситуација.
„Моето строго мислење е дека целта на Хамас беше да предизвика претерана реакција од Израел. Тие (Хамас) не очекуваа воена победа. Тие навистина сакаа да ги извршат најлошите злосторства што можат за да предизвикаат најагресивен можен одговор од Израел и да го искористат тој одговор за да ги соберат муслиманите ширум светот за Газа и палестинската кауза“, рече извршниот директор на Тесла.
Маск исто така додаде дека би било соодветно Израел да ги најде членовите на Хамас и „или да ги убие или да ги затвори“, но тој исто така повика на хуманитарна помош во Газа.
Even Elon Musk gets it.
“For every Hamas member you killed, how many did you create?”
“If you kill somebody’s child in Gaza, you’ve made at least a few Hamas members.” #Gaza_Genocide pic.twitter.com/gNqczSnAcj
— Majid Freeman (@Majstar7) November 10, 2023
Најбогатиот човек на светот додаде дека Израел треба да биде транспарентен за војната, за луѓето да не мислат дека тоа се некои трикови, но исто така додаде:
„Прашањето е, за секој член на Хамас што ќе го убиете, колку нови создавате? Ако повеќе создаваш отколку што уништуваш тогаш не си успеал. Со сигурност може да се каже дека доколку убиете нечие дете во Газа, ќе создадете неколку членови на Хамас кои ќе умрат само за да убијат Израелец“, заклучи Маск.