Единствената болница за за пациенти заболени од рак во Газа престана да работи, соопштија здравствените власти. Болницата за турско-палестинско пријателство беше принудена да ги прекине сите услуги откако остана без гориво, изјави нејзиниот директор. „Бараме од светот да не ги остава болните од рак на сигурна смрт бидејќи болницата не работи“, рече Субхи Скаик. Палестинскиот министер за здравство Маи ал-Каила ги потврди изјавите на директорот.
The director of Turkish Friendship Hospital for the treatment of cancer patients in Gaza announces that the hospital has stopped serving completely because of the depletion of fuel ‼️🛑
#fuelforgazanowpic.twitter.com/ihb7EXxith— Joory (@ll__ve7) November 1, 2023
Тој рече дека со ова вкупниот број на болници кои престанале да работат во регионот се искачи на 16 од вкупно 35. „Животите на 70 болни од рак во болницата се во сериозна опасност“, рече тој и додаде: „Бројот на болните од рак во Појасот Газа е околу 2000. Живеат во катастрофални здравствени услови поради израелската агресија на Појасот и раселувањето на голем број луѓе“.
Очајните хуманитарни услови во регионот предизвикаа голема загриженост ширум светот бидејќи храната, горивото, водата за пиење и лековите се во недостиг, а болниците се борат да ги лекуваат жртвите. Хуманитарните агенции го повикаа Израел да дозволи испорака на гориво до опколената енклава, но Израел одби поради загриженоста дека ќе биде преземен од Хамас.