Претседателот на Република Македонија Ѓорге Иванов денеска во Драч, Албанија, ќе се обрати на 5. Регионален претседателски самит на тема „Пристапи кон практична употреба на можностите за поефикасна регионална соработка“.
На годинашниот Самит, чиј домаќин е претседателот на Република Албанија, Бујар Нишани, покрај претседателот Иванов, ќе учествува претседателот на Црна Гора, Филип Вујановиќ и претседателот на Република Косово, Атифете Јахјага.
Шефот на македонската држава на маргините на самитот предвидено е да оствари повеќе билатерални средби.
Претседателски самити од овој формат досега се одржани во Валона, Призрен, Охрид и Будва.
За време на престојот во Албанија, претседателот Иванов ќе ја посети Тирана, каде ќе оствари средба со албанскиот премиер Еди Рама и со претставници на Македонското национално малцинство.