Новинарката Мара Махди зборуваше во живо на N1 од Појасот Газа и испрати апел во име на цивилите кои таму доживуваат, како што вели, хуманитарна катастрофа.
Израел силно возврати Хамас за најсмртоносниот напад во историјата на Израел во саботата, со воздушни напади кои срамнија цели населби додека се подготвуваат за можна копнена офанзива. Високиот комесаријат за човекови права на ОН во вторникот го предупреди Израел дека целосната блокада на Појасот Газа е забранета со меѓународното хуманитарно право.
"We woke up while they (Israelis) bombed and destroyed our house. The broken glass of the windows injured some members of our family." Palestinian survivors recount horror amid ongoing Israeli airstrikes in the Gaza Strip. #GLOBALink pic.twitter.com/8YzcyxnaIP
— China Xinhua News (@XHNews) October 11, 2023
„Јас сум во засолниште, нема струја или интернет, па не можеме да се поврземе преку видео повик“, рече Мара Махди и опиша:
„Сведок сум на вистинска хуманитарна криза, како геноцид. Луѓето се насилно раселени, не само ние, туку и многумина од Газа. Луѓето мораа да ги напуштат своите куќи бидејќи беа уништени. Кога утрово ја видов куќата на мојот сосед, глетката беше страшна и останав без зборови. Со соседите изгубивме сè, не ја ни препознав куќата. Ситуацијата е навистина страшна. Ниту во засолништата нема струја ниту вода. Овде каде што сум јас има многу луѓе, во засолништето има неколку илјади Палестинци, повеќето деца.
Поминав непроспиена ноќ. Користат нов тип на оружје и кога паѓаат ракети и бомби, во воздухот се чувствува страшен мирис и се слушаат силни експлозии. Можете да ги слушнете звуците на авиони, дури и ракети од бродови. Ситуацијата е навистина страшна, не можам ни да ја опишам со зборови, тоа е вистинска хуманитарна катастрофа.
Не знам ништо за надворешниот свет. Постојано сме на удар. Во близина на нашето засолниште се случи масакр – за време на бомбардирањето беа убиени повеќе од илјада Палестинци, тие беа тешко изгорени, децата врескаа на улица. Ве уверувам дека ние сме обични цивили. Бомбардираа пазар, можете да замислите како изгледаше. Ова е нов геноцид врз палестинскиот народ“.
People here told me there are still children under the rubble. They are using a generator to run the metal saw to cut throw the rubble. #Gaza pic.twitter.com/d95qXXPjSE
— Muhammad Smiry 🇵🇸 (@MuhammadSmiry) October 11, 2023
„Ова е вистинска хуманитарна криза, нема струја, вода, нема храна, болниците не примаат ранети, страшно е. Слушате луѓе како плачат и плачат затоа што знаат дека нивните најблиски загинале. Ова е вистински геноцид, ова не може да се опише на друг начин“, додава Махди.
Коментирајќи ги пораките на Израел дека доаѓа најлошото и дека ќе започнат со копнени напади, Меди се изненади:
„Ве уверувам, тие не го уништуваат Хамас, туку домовите на цивилите. Не можев да го препознаам моето соседство. Направен е масакр врз цивили. Ако има копнен напад, сигурен сум дека ќе направат страшен масакр. Кога се случи агресијата во Украина, буквално утредента цел свет ја осуди и застана до Украина, а ние сме напаѓани и никој не е со нас и сега велите дека ќе има копнен напад. Ова е страшна вест, ќе ја избрише целата област и ќе ги убие сите во таа област. Во 2014 година буквално ги убиваа сите, а вчера бомбардираа амбулантни возила, дури и центарот на Црвената полумесечина, не знам зошто го прават тоа“.
На прашањето што очекува и дали има некаква порака за надворешниот свет, Махди рече:
„Навистина е страшно, тоа што децата го доживуваат е страшно, ќе имаат искривена слика за светот и нема да веруваат никому. Ни треба помош, залихи, некој да го спречи ова. Ако војната продолжи, заштитете ги цивилите. Го повикувам целиот свет да застане на наша страна бидејќи никој во светот не е на наша страна. Слушаме авиони, немаме вода за пиење и капење, немаме засолништа, извршија бројни бомбардирања. Немам дом во кој да се вратам.
Можеме само да ги слушнеме звуците на дојдовните ракети. Не се работи за отпор, цивилите доживуваат ужаси. Израелската армија нема милост и нема позитивни чувства кон Палестинците. Тие буквално ќе убијат се за појасот Газа. Сакам луѓето да ме слушнат, ве молам бидете посредник, престанете со ова. Барем кренете го гласот и зборувајте за невини цивили. Тие имаат засолништа во Израел, ние немаме ништо. Се плашам за сопствениот живот. Светот застана покрај Украина, а и ние сме цивили, немаме никаква врска со ова“.