Труењето со таблети – тренд во Полошко

Невозвратената љубов, семејните и финансиските проблеми го зголемија бројот на обиди за самоубиства во Полошкиот регион.

Следете a1on на Instagram

Од почетокот на годинава, на гостиварското подрачје 11 лица посегнале по својот живот, што е речиси трипати повеќе во однос на лани.

„Регистрирани се 11 обиди за самобиство, од кои 10 труења со разновидни таблети, најмногу антидепресиви и едно сечење вени“, информира портпаролот на СВР Тетово, Марјан Јосифовски.
Само изминатата недела три гостиварки на различна возраст биле однесени на Ургентното одделение, откако испиле поголема количина антидепресиви.

Состојбата е слична и во Тетово. Таму, покрај таблети, поединци посегнувале и по токсични средства за домашна хигиена.

Следете a1on на Youtube

„Во овој период во Полог регистрирани се и 15 самоубиства, претежно со бесење, две со употреба на огнено оружје и едно со давење.Од нив, пет се на гостиварското подрачје. Лани за цела година вкупниот број самоубиства во Полог изнесуваше девет”, информира полицијата.
Според статистиката, најголемиот број од самоубиените годинава се машки лица постари од 25 години, а кон труење со апчиња најчесто посегнувале жени и девојки во моменти на растројство или депресија.

Г.М.