Институциите на системот нека проработат, во спротивно нека очекуваат социјални немири од поголеми размери, истакна граѓанин за „А1он“ кој примал хемотерапија на Клиниката за онкологија во Скопје. Овој народ е трпелив, ама кога ќе му дојде крајот, ќе биде јако.
– Не може вака веќе, задираат во нешто што е живот на крајот на краиштата. Еве јас лично во февруари 2021 година почнав со хемотерапија.
Кога слушам сега карактеристики и ефекти од примањето на терапијата: повраќање, паѓање на коса, нестабилност. Па јас ги немав овие појави, немав ништо. Отидов на паркинг, ја земав колата и си отидов дома – објасни постариот граѓанин кој се лекувал од рак од 2021 година.
