Грчкиот портал Прототема објави видеa од последните моменти на убиениот навивач на АЕК, Михалис Кацури. Тие пишуваат дека полицијата има неколку видеа кои ги анализира, а преку кои се обидува да разбере кој и како го убил 29-годишниот Грк.
Ντοκουμέντο από τη δικογραφία για τη δολοφονία του Μιχάλη: Φτάνει στο περίπτερο χτυπημένος από το μαχαίρι pic.twitter.com/urcsuhaMJ2
— kakajason (@kakajason50) August 17, 2023
На првото видео објавено од Protothema се гледа како Михалис пристигнува во киоскот. На видеото се гледа дека дел од телото му е целосно облеан во крв, односно дека е повреден и крвари.
Βίντεο από τη δικογραφία για την δολοφονία του Μιχάλη: Ο 29χρονος έχει καταρρεύσει στο περίπτερο pic.twitter.com/tCnJprCZ4w
— kakajason (@kakajason50) August 17, 2023
Михалис седнува зад ладилникот за сладолед додека сопствениците на дуќанот стојат и го гледаат. Според полицијата, пишува грчкиот портал, Михалис дошол таму да се сокрие. Тогаш жената му дава хартиена крпа низ прозорецот на киоскот за да се избрише или да го запре крварењето.
Βίντεο από τη δικογραφία για τον Μιχάλη: Ο 29χρονος προσπαθεί να μείνει όρθιος αλλά δεν τα καταφέρνει pic.twitter.com/ej1dXCFGTM
— kakajason (@kakajason50) August 17, 2023
Еден човек му приоѓа и само го гледа. Притоа пристигнува трето лице кое, се чини од видеото, се обидува да му даде вода и во исто време да извести некого за повредениот навивач. Грчкиот портал пишува дека во следните неколку минути Михалис искрвари и почина.
Сите 105 уапсени по жестокиот уличен конфликт меѓу навивачките групи пред стадионот на АЕК во Атина, во кој беше убиен 29-годишниот Михалис Кацурис, се во притвор, јавуваат грчките медиуми. Уапсените се распоредени во 16 различни затвори низ Грција.