Сува трева и стрништа гореле во четири кумановски села, синоќа по 20 часот, соопштија денеска од Регионалниот центар за управување со кризи Куманово.
Пожарот во село Режановце почнал во 20:10 часот, пожарникарите го изгаснале во 21. 30 часот. Пожарот во Слупчане е регистриран во 20:20 и бил изгаснат во 22:00 часот. Речиси во исто време пожар зафатил трева и стрниште во Романовце. И таму интервенирала една екипа. Последниот пожар се случил во Пчиња по 21. 40 часот и пожарникарите го изгаснале после полноќ.