Секој граѓанин треба да плати за тоа што потрошил: Бектеши повика да се реши проблемот со струјата во Слупчане

Од:

Министерството за економија ги повика сите граѓани во државата редовно да си ги подмируваат обврските кои ги имаат кон енергетските компании.

„Секој граѓанин кој се снабдува со електрична енергија во државата има обврска да плати за електрична енергија толку колку што потрошил.
Министерството за економија согласно надлежностите кои произлегуваат од Законот за енергетика, креира клима со цел да се намалат загубите во пренос на електрична енергија како и неовластено користење на електрична енергија.
Затоа повикуваме дека секој граѓанин треба да плати за тоа што го потрошил бидејќи така функционира пазарната економија.
Ги повикуваме сите надлежни институции да постапат согласно нивните надлежности и да се реши проблемот со снабдување со електрична енергија во Слупчане и околните села и да се овозможи работа на екипите на ЕВН Македонија“, соопштија од кабинетот на Крешник Бектеши.

Жителите на Слупчане вчера не ги пуштија екипите на ЕВН да работат и покрај тоа што на терен беа присутни припадници на полицијата, а потоа оштетија и трансформатор со што ги оставија без електрична енергија неколку села во општина Липково, а на одреден период без струја беше и граничниот премин Табановце.

За да им дозволат на екипите на ЕВН да работат, мештаните доставија официјално барање до ЕВН, со кое инсистираат да им се опростат сите досегашни долгови кои изнесуваат по неколку илјади евра и да добијат бесплатни нови приклучоци, а без разлика колку ќе потрошат во иднина да не им се фактурира повеќе од 3000 денари. Во барањето кое ЕВН го достави до „А1он“ жителите бараат верските објекти да не плаќаат струја.

Би можело да ве интересира

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

Европа се соочува со сè поголема станбена криза: Државите воведуваат ограничувања на кириите и нови мерки за изградба

МФ: Граѓански обврзници може да се запишат до 1 декември во деловните банки

СДСМ: Крпен живот, кошничката се доближи до 71.000 денари – само за храна се потребни 26.000 денари

Просечната цена на струјата на HUPX берзата за 20 ноември 2026 изнесува 219,02 евра за мегават час, на МЕМО 125,08 евра за мегават час

ЕФЦ со нови старт-пакети за компаниите: „Не плаќајте магацин под кирија – ние ви нудиме целосна логистика, дигитализација и достава до следниот ден“