Доцна синоќа во 3:30 часот, во Ханиоти биле застрелани две лица од Северна Македонија. Тие веднаш биле пренесени во Здравствениот дом Касандра. 39-годишниот им подлегнал на повредите, додека неговиот 45-годишен пријател со повреди е хоспитализиран во болницата Полигирос.
Грчките медиуми јавуваат дека се работи за ликвидација.
Според очевидци, маскирани напаѓачи упаднале во изнајмената хотелска соба каде била сместена жртвата и почнале да пукаат, испукувајќи повеќе од 20 куршуми и избегале од местото.
Набргу потоа непознато лице се јавило на 112 и пријавило дека некој бара помош. Повредените биле пренесени во Здравствениот дом Касандра Халкидики каде било констатирано дека бизнисменот им подлегнал на повредите, додека вториот маж е е хоспитализиран во болница во Полигрос.
Како што јавува iefimerida починатиот е 39-годишен бизнисмен, сопственик на казиното во Северна Македонија.
Медиумот вели дека се работи за Орхаин Баграини (роден 1984 година) кој е починат, додека Сеад Слезовиќ (1978) е повреден, двајцата бизнисмени кои биле активни во Северна Македонија во казино и фабрика за пијалоци биле во посета на Халкидики.
Всушност, денеска напладне двајцата бизнисмени би се одјавувале од хотелот, велат извори на медиумот.
Се упатува на ликвидација бидејќи пред неколку дена непознати лица го егзекутирале нивниот партнер, исто така од соседната земја.
Прелиминарна истрага врши Полициско одделение Полигирос.