Двајца пожарникари загинаа, а петмина се повредени додека се бореле со интензивен пожар на товарен брод закотвен во пристаништето Њуарк.
Бродот превезувал 1.200 нови и користени возила кога пожарот избил на неговата палуба на ниво 10 околу 22:30 часот по локално време, но брзо се проширил на нивоата 11 и 12, јавува Асошиетед прес.
„Ова не е обичен пожар за градот Њуарк и неговите пожарникари. Ова е поинаков вид на пожар и тие сè уште се подготвени да стават сè на линија“, рече шефот на пожарникарството Руфус Џексон.
Причината за пожарот се уште не е позната. Пристаништето во Њуарк е едно од најголемите пристаништа во САД и е меѓу најпрометните на источниот брег.