Седум лица се повредени во авион поради силни турбуленции за време на летот на Хавај ерлајнс од Хонолулу до Сиднеј, пренесува АП.
Авионот превезувал 163 патници и 12 членови на екипажот кога „наиде на неочекувани силни турбуленции околу петтиот час од летот“, се вели во соопштението на авиокомпанијата.
„Авионот само што се „потона“. Не бевме подготвени“, изјавил еден од патниците за ABC News.
Лекарите на аеродромот укажале помош на тројца повредени патници кога авионот слетал во Сиднеј, соопшти авиокомпанијата.
Еден патник и три стјуардеси се испратени во болница на дополнителни прегледи.
Минатата година во тешки турбуленции беа повредени 25 лица на летот на „Хавај ерлајнс“. Четворица патници и двајца членови на екипажот се здобија со сериозни повреди, додека авионот претрпел мала штета, јави АП.