По примен телефонски повик, 62-годишниот Цане Јанев од Штип во неделата излегол од својот дом и оттогаш му се губи секаква трага. Цане последен пат бил виден во дворот на семејната куќа во штипската населба Кадидаре.
Според кажувањата на неговата сопруга, Цане добил телефонски повик по што со брзање го напуштил домот. По неколку часа сопругата го побарала на мобилниот телефон, но Цане бил недостапен.
Јанев има бела кратка коса и видлив физички недостаток на левото око, а во моментот кога последен пат е виден, бил облечен во црна блуза и црни пантолони.
Ова е втор случај неделава граѓани на Штип да побараат помош од медиумите за пронаоѓање на нивните најблиски. Пред два дена Семејството Асанови од Штип преку медиумите упати апел до граѓаните да пријават доколку имаат некаква информација за 13-годишната Перијан, која семејството за последен пат ја видело на 27 август.
Двата случаи се веќе пријавен во СВР- Штип.
М.Р.