Медијаторот на ОН Метју Нимиц по едночасовните разговори со шефот на дипломатијата Никола Попоски, не даде изјава за медиумите и замина на средба со премиерот Никола Груевски.
Нимиц, по вчерашното пристигнување, најпрво се сретна со претседателот Ѓорѓе Иванов при што дискутирале околу идеите и размислувањата на Нимиц како и за исходот на неговата посета на Атина.
Претседателот Иванов истакнал дека Македонија е подготвена за средби на највисоко ниво и интензивирање на дијалогот со Грција околу името, како и на активно и конструктивно учество во процесот со цел да се дојде до заемно прифатливо решение.
Нимиц дојде во Скопје од Атина каде што имаше средби со грчкиот министер за надворешни работи Евангелос Венизелос. По оваа средба тој изјави дека му биле разјаснети ставовите на грчката страна без да соопшти повеќе детали.
Темјана Поповска