Стотици луѓе во Германија, која има голем број турски иселеници, ја прославија победата на актуелниот претседател Реџеп Тајип Ердоган на претседателските избори во Турција со спонтани паради со автомобили, веење знамиња и свирење со сирени.
Автомобили украсени со турски знамиња возеа свирејќи низ улиците на германските градови, вклучувајќи го главниот град Берлин, Дуизбург на запад од земјата и северното пристаниште Хамбург во неделата вечерта. Според полицијата, прославата поминала главно мирно.
Street celebrations in Berlin after Erdogan's electoral victory… pic.twitter.com/Mil79d4CBt
— Kevork Almassian🇸🇾🇦🇲 (@KevorkAlmassian) May 28, 2023
Во Манхајм во југозападната покраина Баден-Виртемберг, сепак, имаше конфликт. Учесниците фрлале предмети кон полицајците, а дел од колоната се судриле и со пешаци. Никој не е повреден.
Во Дуизбург, според полицијата, на прославата учествувале неколку стотици автомобили и неколку стотици собрани на улиците. Освен неколку огномети, се поминало мирно, соопшти полицијата.
Germany when Erdogan wins the election… been non stop for 30 mins now pic.twitter.com/Yz0j50HT2j
— Sam Henderson (@Hendo_Gooner) May 28, 2023
Во Хамбург, пред турскиот конзулат во близина на железничката станица беа формирани долги колони од автомобили кои свиреа. Само на тревникот пред конзулатот, околу 1.000 приврзаници на Ердоган вееја знамиња славејќи ја неговата победа.
Прослави и паради со стотици луѓе беа забележани и во Берлин, финансискиот центар на Франкфурт и главниот град на Баварија, Минхен.
Во западниот град Есен, според полицијата, се одржале помали протести пред тамошниот конзулат.
Ich hasse euch alle omg pic.twitter.com/Z4H8rWn9DP
— sıla ރ (@einkizaussivas) May 28, 2023
Се проценува дека 3 милиони луѓе во Германија имаат турски корени, а Турците се најголемата имигрантска група во земјата, создадена како дел од политиката на „гастарбајтери“ усвоена од германската влада во 1950-тите.