На 21 ноември 2021 година, Лук Дили (26) упаднал во домот на Џун Фокс-Робертс (65) вооружен со секира и моторна пила и брутално ја нападна и ја убил. Потоа ја обезглави, и ги отсече екстремитетите и ги ставил во пластични кеси.
Ќерката на жртвата, Абигејл, пронашла докази за масакрот во домот на нејзината мајка во Лантвит Фардре, Јужен Велс. Полицијата го пронајде Дили во приколка во блискиот двор, а на снимките од надзорните камери се гледа како тој завиткан во ќебе зборува сам со себе и пее.
Дили боледувал од шизофренија и верувал дека „виша сила“ му наредува да изврши убиство. Кога детективите ја пребарале приколката, нашле „демонски цртежи“. 26-годишниот маж се изјасни за виновен за убиство од небрежност за време на судењето, пишува Daily Mail.
„Лук Дили боледува од параноична шизофренија. Поради својата состојба не ја разбираше природата на своето однесување, не беше во можност да донесува рационални одлуки и да го контролира своето однесување. Мислам дека најсоодветната казна би била да остане во болницата Ешворт, во близина на Ливерпул“, изјави пред судот психијатарот Том Вин.
Судијата Џастис Грифитс одлучи да го одведе Дили на неодредено време во психијатриска установа.
„Ова беше брутално убиство во кое ја распарчивте жртвата. Според Законот за ментално здравје, најсоодветно е да ве држат во болницата Ешворт“, рече судијата.
„Го извршивте ова страшно злосторство бидејќи сте ментално болен. Немате претходни пресуди и нема докази дека сте имале рационален мотив за убиство. Постои голем ризик да извршите дополнителни тешки кривични дела доколку не сте во притвор. Притворот е неопходен за да се заштити јавноста. Не, можам да кажам колку долго ќе бидете во затвор“, додаде тој.