СДСМ денеска прв пат призна дека оваа Влада дава далеку поголема финансиска поддршка на македонските земјоделци од било која влада предоводена од СДСМ во минатото, се вели во соопштението од ВМРО-ДПМНЕ.
СДСМ, како што велат од ВМРО-ДПМНЕ, имаше многу години зад себе за да покаже дали и како се грижи за македонските земјоделци.
– Денес, за разлика од тогаш, бројот на вработени лица, кој својата егзистенција ја остваруваат во земјоделието е драстично поголем. Денес државата троши и до 130 милиони евра годишно за директна подршка на земјоделците, а висината на тие средства во иднина, во континуитет и ќе се зголемува. Извозот на земјоделски производи од Република Македонија во континуитет е во пораст, посочуваат од ВМРО-ДПМНЕ.
Од таму додаваат дека Владата на Република Македонија и во иднина ќе продолжи да се грижи за земјоделците без да ги дели на големи или мали.