Поранешниот фудбалер на Партизан Мохамед Забија (34) e киднапиран во родната Либија, јавуваат медиумите од африканскиот континент. Долгогодишниот репрезентативец на својата земја и првотимец на Есперанс од Тунис е киднапиран од вооружена група луѓе.
Забија во сезоната 2012/13 го носеше црно-белиот дрес и со Партизан стана шампион на Србија. Иако не остави длабока трага во клубот, навивачите го паметат бидејќи е еден од ретките фудбалери од Либија кои се обиделе да градат европска кариера.