Дисциплинската комисија на Европската фудбалска унија (УЕФА) денеска го казни Партизан со вкупно 40.750 евра поради навивачките инциденти на реванш натпреварот од третото коло од квалификациите за Лигата на Европа против Лугано, што се одигра во Тун на 15 август.
Како што е наведено во одлуката, српскиот клуб е казнет за: расистичко и/или дискриминаторско однесување, транспаренти несоодветни за спортски настан и за палење пиротехнички средства.
Партизан ќе плати петнаесет илјади евра за истакнување транспаренти на кои нема место на фудбалските терени, 5.750 за употреба на пиротехнички средства и 20.000 евра за расистичко однесување на навивачите. Освен тоа, клубот нема да може да смета на поддршката од приврзаниците на „црно-белите“ на следното гостување кај Гент, следната среда.