ВМРО-ДПМНЕ во Скопје и скопските општини целосно ги изневери граѓаните.Последен пример е случајот со парцели и измени на ДУП во населбата
Лисиче, општина Аеродром рече на прес конференција претседателот на скопската организација на СДСМ Васко Кичевски.
– Според информации кои се јавно објавени од повеќе медиуми, неколку парцели во Лисиче со површина од над 1.000 метри квадратни, биле купени како ниви, пред овој урабистички план да биде во процедура. Дали купувачите знаеле дека токму таму ќе се градат згради и дали однапред знаеле дека маркиците за згради ќе бидат токму на тие парцели? Ова отвора сериозни индиции и основани сомневања кои треба соодветни надлежни органи да ги расчистат.Затоа, денеска ја повикуваме Државната комисија за спречување на корупцијата да постапи, да оформи предмет и целосно да го истражи овој случај вели Кичевски.