Две Израелки се убиени, а нивната мајка тешко ранета денеска во напад на окупираниот Западен Брег, по израелските воздушни напади врз Појасот Газа и јужен Либан, што придонесе за нагло зголемување на тензиите на Блискиот Исток.
Две сестри на возраст од дваесет години од еврејската населба Ефрат се убиени, а нивната мајка е тешко ранета, соопштија израелски извори.
Нападот следи по израелските воздушни напади врз Газа и Либан, во ескалација што не е забележана во израелско-либанските односи од 2006 година.
Израел соопшти дека ги гаѓал позициите на палестинското движење Хамас во Газа и Либан, како одговор на истрелувањето на десетици ракети на негова територија.
Оваа ескалација следи по насилниот упад на израелските сили во џамијата Ал Акса во Ерусалим во средата, што беше осудено од многу земји ширум светот. Хамас, кој е на власт во Појасот Газа, го осуди израелското „злосторство без преседан“ во постот за Рамазан.
Израелскиот премиер Бенјамин Нетанјаху изјави дека израелските сили морале да дејствуваат за да воспостават ред откако палестинските екстремисти се забарикадирале во џамијата.