Околу 16 часот и 20 минути избувнал пожар во атарот на селото Долна Лешница, општина Желино информираше денеска портпаролот на СВР Тетово, Марјан Јосифовски.
Според неговите информации, зафатени се околу три илјади метри квадратни сува трева и нискостеблеста дабова шума, а огнот се шири во насока на соседното село Добарце. Бидејќи пожарот се уште е активен полицијата ги известила Дирекцијата за заштита и спасување, Јавното претпријатие Македонски шуми и други надлежни органи да преземат соодветни мерки за локализирање и гасење на огнот на теренот што делумно е непристапен, изјави Јосифовски.
Тој го повтори апелот за поголемо внимание при движење и палење оган на отворено и потсети дека намерен или од невнимание предизвикан пожар е кривично дело за што е предвидена затворска казна и до осум години во зависност од последиците.