Објавени се снимките од актерите кои ги даваат гласовите на „кликерите“ (зомби чудовишта) во хит серијата „The Last of Us“ и брзо станаа вирални. Кога беше откриено дека актерите ги создаваат звуците на зомби чудовиштата во серијата, луѓето се воодушевија бидејќи многумина мислеа дека звуците се создадени со помош на технологија.
Штом серијата почна да се емитува на HBO Max, гледачите беа воодушевени, особено без одушевени од чудовиштата. Креаторите најавија дека во втората сезона може да има повеќе различни чудовишта. Ова е видео од зад сцената кое покажува како се создаваат звуците.
HBO shares studio footage of the actors voicing Clickers in #TheLastOfUs. pic.twitter.com/xDaVOzordh
— Pop Crave (@PopCrave) March 15, 2023
Првата сезона од серијата заврши минатиот викенд по девет епизоди, а гледачите се задоволни од работата на креаторите. Инаку, серијата е базирана на истоимената видео игра.
Серијата на HBO го собори и сопствениот рекорд на гледаност. Финалето на серијата го погледнале 8,2 милиони луѓе, а резултатот е уште поимпресивен ако се земе предвид дека беше објавен за време на телевизиското емитување на овогодинешните Оскари. Со ова серијата речиси го удвои бројот на гледачи на премиерната епизода која ја погледнале 4,7 милиони луѓе.