Денеска дојде реакција на кинеското Министерство за надворешни работи на изјавите на американските официјални лица, кои изминатиот викенд тврдеа дека Пекинг размислува да испрати оружје и муниција во Русија. Кинеската дипломатија денеска соопшти дека Америка „не е квалификувана да дава лекции“ за испраќање оружје.
Ванг Венбин, портпарол на кинеското Министерство за надворешни работи, изјави денеска: „Американската страна, а не кинеската страна, постојано испраќа оружје на првата линија. Американската страна не е квалификувана да и држи лекции на Кина. Никогаш не би прифатиле Америка да диктира или да врши притисок за кинеско-руските односи рече Венбин.
„Кој повикува на дијалог и мир, а кој дели оружје и поттикнува конфронтација? праша тој, додавајќи дека Кина „продолжува да повикува на мир и промовира дијалог“ за решавање на конфликтот во Украина и „цврсто стои на играње конструктивна улога во промовирањето на деескалација на конфликтот и смирување на ситуацијата“.