Општина Струмица денеска призна дека добила пари од Владата, наведува ВМРО-ДПМНЕ во реакција на прес- конференцијата на Кирил Парталов, секретар на општина Струмица.
Според ВМРО-ДПМНЕ, општина Струмица признала дека примила пари за инфраструктурна изградба на зоната каде ќе се реализира холандската инвестиција.
– Ако општина Струмица не добиеше пари во висина од над 52 милиони денари, што е поддршка од Владата тогаш местото каде се одлучија да инвестираат холандските инвеститори ќе продолжеше да зјае празно. Сега останува уште Зоран Заев да се извини поради лагите кои ги изнесе, тоа би било чесно и доблесно однесување кое се очекува од еден лидер на опозиција. Се друго е потценување на граѓаните, се вели во реакцијата од ВМРО-ДПМНЕ.