Заменик-министерот за земјоделство, шумарство и водостопанство Зоран Коњановски присуствуваше на отпочнувањето на градежните активности за изградба на мостот на Злетовска река кај селото Жиѓанци, во општината Чешиново-Облешево.
Обраќајќи им се на присутните, Коњановски истакна дека ова е заложба на Владата и преку Агенцијата за рурален развој се обезбедени 8,1 милион денари, додека општината обезбедува средства од еден милион денари. Мостот ќе биде долг 31 метар и ќе ги поврзува општините Чешиново-Облешево и Пробиштип.
– Ова е само еден од 14-те проекти за развој на исто толку општини и подобрувањето на животот во општините, и ние како Министерство ќе направиме 50 договори со 50 општини во Републиката за подобрување на условите за живот, рече Коњановски.
За градоначалникот на општина Пробиштип Тони Тоневски изградбата на мостот ќе значи поврзување на двете општини и скратување на патот од 20 километри.
На новинарско прашање каков ќе биде односот на МЗШВ за оние увозници на пестициди кои увезувале со сомнителен квалитет, Коњановски со одговор дека Министерството ќе преземе соодветни активности и оние увозници кои не се придржувале до одредбите од законот ќе бидат казнети.