Турскиот претседател Реџеп Таип Ердоган изјави дека Турција позитивно гледа на барањето на Финска за членство во НАТО, но не и на барањето на Шведска.
„Шведска не треба ни да се обидува ништо во овој момент. Ние нема да го поддржиме нивното барање за влез во НАТО се додека тие дозволуваат палење на Куранот“, рече Ердоган, пренесе Ројтерс.
Во изјавата од 26 јануари, претседателот на Турција предложи неговата земја да се согласи со влезот на Финска во НАТО пред Шведска.
Турскиот министер за надворешни работи Мевлут Чавушоглу даде слична изјава на 27 јануари.