Во Гостивар и Тетово е надминат прагот на алармирање и во сила стапуваат препораките и мерките за заштита од загадениот воздух. Министерството за животна средина и просторно планирање информираше дека според Уредбата во која е дефиниран прагот на алармирање на суспендирани честички со големина до 10 микрометри (надминување на вредноста од 150 мg/m3 во текот на два последовни денови) и добиената временска прогноза од Управата за хидрометеоролошки работи во овиа два града е надмнат прагот.
МЖСПП доставило информација за надминување на прагот на алармирање до Министерство за здравство, Министерство за труд и социјална политика, Државниот инспекторат за животна средина, Управа за животна средина, Сектор за комуникација со јавноста во МЖСПП, Институт за јавно здравје и до општините Тетово и Гостивар.