Денеска во полициската станица во Свети Николе било пријавено дека во 7.50 часот пред пензионерски дом во Свети Николе, Т.А.(43) од Свети Николе со пиштол пукал кон неговата сограѓанка и познаничка О.Б.(32).
Од испуканиот куршум таа здобила повреда, констатирана во Клиничката болница Штип, а потоа Т.А. пукал во себе, по што починал.
Извршен е увид од јавен обвинител и полициски службеници од СВР Штип и се преземаат мерки за расчистување на случајот.