Германската канцеларка Ангела Меркел денеска повторно изрази надеж дека ОН ќе успеат да усогласат заедничка политика за Сирија и покрај спротивставените ставови меѓу Западот од една и Русија и Кина од друга страна.
По одлуката на американскиот претседател Барак Обама да ја одложи воената интервенција и да побара одобрение од Конгерсот, Меркел истакна дека „треба да се искористи тоа време“.
– Се трудиме да поситгнеме успех во ОН. Се надеваме дека сега постои шанса и сме решителни да го направиме, изјави во Берлин портпаролот на германската Влада, Штефен Зајберт.
Истовремено, тој нагласи дека за време на телевизискиот дуел Меркел и нејзиниот главен противкандидат Пеер Штајнбрук ја отфрлиле можноста за испраќање германски војници за операција во Сирија.
– Германија во ниту еден случај нема да учествува во евентуална воена операција, увери Зајберт.
Ситуацијата во Сирија ќе биде една од темите на средбата на Г-20 во Санкт Петербург.