Синоќа на булеварот „Партизански одреди“ во Скопје, полициска патрола го уапсила Б.К. (33) од Скопје.
Тој, велат од МВР е уапсен по пријава според која околу 21 часот извршил разбојништво во маркет на улицата „Драгиша Мишовиќ“ во Скопје.
„Веднаш по добиената пријава преземени се мерки и активности за пронаоѓање на сторителот, по што тој е пронајден и лишен од слобода. При преземањето на активности, полициски службеник испукал два пати во воздух. Од страна на вработена во маркетот извршено е препознавање на сторителот при што оштетената посочила дека Б.К. е сторителот“, велат од МВР.
По целосно документирање на случајот против него ќе биде поднесена соодветна кривична пријава до надлежното обвинителство.
