Ива Михаилова од Кочани, за која во сила е активна судска забрана, нема евидентиран излез од територијата на Македонија, соопшти Министерството за внатрешни работи кое извршило проверки во системот за гранична контрола.
МВР инфромира дека Михаилова, за која се објавува дека ја напуштила Македонија, во Бугарија влегла исто така нелегално.
– Преку Заедничкиот контакт-центар со Република Бугарија, извршени се проверки и од страна на бугарската гранична полиција, од каде што е добиена информација дека за наведеното лице нема евидентиран легален влез на територијата на Република Бугарија, соопшти попладнево МВР.
Според податоците од граничните евиденции, информира Министерството, последен пат Михаилова остварила влез во Бугарија во септември 2025 година, додека во октомври 2025 година е евидентиран нејзин излез од Бугарија, односно влез во Македонија.
Ива Михаилова, која има и бугарско државјанство, во Македонија е обвинета во судска постапка за сообраќајна несреќа со смртни последици.
Медиуми во Бугарија вчера објавија дека ихаилова ја напуштила Македонија и дека се наоѓа во Бугарија.