Најголемиот бразилски фудбалер во историјата, Пеле преку социјалните мрежи порача дека ќе го гледа мечот од осминафиналето на Светското првенство меѓу неговиот Бразил и Јужна Кореја од болничката соба во која се наоѓа, откако неговото семејство демантираше дека тој се наоѓа во палијативниот оддел на болницата „Алберт Ајнштајн“ во Сао Пауло бидејќи лекарите се откажале од терапијата за ракот на дебелото црево.
Em 1958, eu caminhava pelas ruas pensando em cumprir a promessa que fiz ao meu pai. Sei que hoje muitos fizeram promessas parecidas e também vão em busca da sua primeira Copa do Mundo.
Assistirei ao jogo do hospital e estarei torcendo muito por cada um de vocês. Boa sorte! 🇧🇷 pic.twitter.com/3CRI8v6H55
— Pelé (@Pele) December 5, 2022
„Во 1958 година, одев на улиците рамислувајќи да го остварам ветувањето кое го дадов на мојот татко. Знам дека денеска многу од фудбалерите направија исто ветување и ќе одат по своето прво Светско првенство. Ќе го гледам мечот од болницата и ќе навивам за секој од вас. Многу среќа“, напиша Пеле на Твитер.
Додека фановите стравуваат за состојбата на 82-годишниот Пеле, неговата ќерка Кели Насименто ветува дека тој ќе се врати во својот дом набргу.
„Пеле е болен, стар, но не сме до крајот. Во овој момент тој е хоспитализиран со инфекција на белите дробови и кога ќе биде подобро ќе се вратиме дома. Не сме во болница да се збогуваме“, вели Кели Насименто.