Документи и податоци покажаа дека ВМРО-ДПМНЕ е партија на паразити кои се богателе на грбот на граѓаните. Веќе покажавме дека во време на режимот 93.000 евра завршиле кај Христијан Мицкоски, а 67.000 евра кај Гордана Кочовска Димитриевска рече на прес конференција пратеникот и портпарол на СДСМ Дарко Каевски.
– Поранешниот директор на АД за изградба и стопанисување со станбен и деловен простор, Цветко Грозданов од ВМРО-ДПМНЕ добивал месечна плата од 101.000 денари плус додаток за минат стаж од 0,5 отсто. Од него повисока плата, секако исплатена од Буџетот, добивал поранешниот директор на АЕК, Сашо Димитриевски, исто така кадар на ВМРО-ДПМНЕ кој имал плата од 120.000 денари или близу 2.000 евра, односно годишно инкасирал околу 24.000 евра. Меѓу паразитите на ВМРО-ДПМНЕ со убедливо најдолг стаж е поранешниот директор на Развојната банка, Драган Мартиновски кој за 12 години на функцијата зел над 340.000 евра народни пари рече Каевски.