Мало торнадо вчера опустоши дел од северна Франција во близина на Кале, оштетувајќи десетици домови, јавува Sky News. Едно лице се здобило со полесни повреди поради торнадото, соопштија локалните власти во Па-де-Кале.
Снимката од помало торнадо споделена на социјалните мрежи покажува огромен црн облак кој се врти во форма на торнадо над небото во општина Бихукур.
„Мини торнадо“ погоди делови од Франција додека земјата се подготвува за нови бури кои ќе следат по невообичаено топлото време.
Околу 50 куќи се оштетени и две семејства мораа да се преселат. Земјоделска зграда во општина Мори се урна поради торнадото.
Во два региона имаше прекин на струјата проади невремето.
?TORNADE confirmée ! Première vidéo du phénomène impactant la commune de Buhicourt dans le Pas-De-Calais. D’importants dégâts sont signalés. #France #orages #Tornade
Credit: Robin G. pic.twitter.com/89wAGa15w2
— Nahel Belgherze (@WxNB_) October 23, 2022
Ситуацијата е под контрола информиаа властите.
„Истокот и северот на Франција претрпеа силно невреме. Неколку општини во Па-де-Кале беа погодени од торнадо, предизвикувајќи значителна штета. Да се солидаризираме со жителите на погодените општини“, напиша на Твитер францускиот министер за внатрешни работи Жералд Дарманин.
Локалните власти во Па-де-Кале ги советуваа луѓето да останат дома и да не вршат работи и поправки на покривите. Луѓето исто така се предупредуваат да не ги допираат паднатите далноводи.