Шкендија го победи Работнички во дербито на 11.коло, во домашното првенство. Покрај Шкендија, победи ова попладне забележаа Силекс и Македонија ЃП, додека Победа и Академија Пандев одиграа без победник.
Шкендија, со двајца играчи помалку успеа да слави против Работнички во Скопје. При резултат 2:2 беше исклучен Хасани, а кога Шкендија имаше предност 2:3 црвен картон доби Мурати.
Работнички имаше предност од седмата минута со голот на Максимов, израмни Шаља во 23., а Стојановски во 48.минута го режираше пресвртот на Шкендија. Јанакиевски погоди за 2:2 во 66.минута кога започнаа маките на „роматичарите“. По црвениот картон на Хасани во 68.минута, Велија погоди за Шкендија во 73.минута, а кога Мурато доби директен црвен картон три минути подоцна, Стојановски ја потврди победата во 85.минута.
Резултати, 11.коло:
Брегалница – Силекс 2-3 (2-1)
Македонија ЃП – Скопје 2-0 (1-0)
Победа – Академија Пандев 1-1 (0-0)
Работнички – Шкендија 2-4 (1-1)
Недела, 15.октомври
Шкупи – Струга Трим Лум
Слободен е Тиквеш