Германските безбедносни власти претпоставуваат дека трите цевки на гасоводот Северен тек 1 и 2 од Балтичкото Море ќе бидат засекогаш неупотребливи по актите на саботажа. Доколку не се поправат брзо, ќе навлезе многу солена вода и ќе ги кородира цевководите, дознава Тагесшпигел од владини извори.
Во меѓувреме ингеренциите за инцидентот ги презеде и кризниот тим на Федералното Министерство за надворешни работи, а за последиците разговараат неколку сојузни министерства и Канцеларијата.
Како прв чекор, контролата на германските суверени води од страна на федералната полиција се интензивира, при што нивните бродови повнимателно ги следат соодветните рути на критичната инфраструктура. Покрај тоа, сојузните држави треба да ја зајакнат заштитата на крајбрежните области на Северното и Балтичкото Море. Причина за загриженост се и заштитата на терминалите за течен гас што моментално се градат и подморските и телекомуникациските кабли.
Како и Комисијата на ЕУ, германските безбедносни власти и странската тајна служба, БНД, се сомневаат на чин на саботажа.