Бугарија, според потпретседателката на државата, Илијана Јотова, мора да има силна и одлучна позиција во ЕУ за прекин на војната во Украина, што е можно поскоро, јави дописникот на МИА од Софија.
Според неа, треба да се свикаат тимови од дипломати на највисоко европско и светско ниво и светски лидери за да се принуди Русија веднаш да ја прекине војната во Украина. Не смее да дојде до уште поголема ескалација на тензијата, за која зборува рускиот претседател.
Според Јотова, делумна мобилизација и нови референдуми значат продлабочување на конфликтот и воените дејствија, кои никој не може да ги предодреди.
Бугарскиот претседател Румен Радев, според Јотова, ќе го свика Советодавниот совет за национална безбедност кога ќе го процени тоа.
Извор: МИА