Белорускиот претседател Александар Лукашенко вели дека САД ја туркаат Европа кон вооружен конфликт со Русија и Украина со цел да ја ослабат Русија и да ја уништат Белорусија.
„САД ја туркаат Европа во воен конфликт со Русија на територијата на Украина. Тие не ги кријат своите планови“ – рече Лукашенко на собирот по повод Денот на народното единство.
– Украина ќе биде срамнета со земја. Колапсот на Украина веќе почна. Полските, литванските и латвиските политичари очигледно наивно очекуваат да се пазарат за својата иднина во новата геополитичка реалност“, рече Лукашенко, пренесува руската агенција ТАСС.
Лукашенко вели дека овие земји ја повторуваат истата грешка од почетокот на 40-тите години на минатиот век. Тој праша дали некој се сеќава на „чизмите на фашистичка Германија и Хитлер“.
„Полското раководство тогаш ползеше повеќе од кој било друг. И до што доведе тоа? На почетокот на септември, за само две недели, Полска престана да постои. Срамота е што нашите соседи не ги научија лекциите од историјата“, рече претседателот на Белорусија, пишува ТАСС.