Три лица, од кои двајца Палестинци и еден израелски офицер, загинаа денеска во размена на оган во близина на преминот меѓу Израел и палестинскиот град Џенин, на окупираниот Западен Брег, соопштија палестинското Министерство за здравство и израелската армија.
Израелската војска соопшти дека офицерот бил убиен во размена на оган додека „двајца осомничени се приближувале“ до преминот во близина на Џенин, на Западниот Брег.
Палестинското министерство во Рамала ја потврди смртта на „две млади момчиња“ за време на судирите.
Засега не се соопштуваат други детали за инцидентот.
Извор: МИА