Два хеликоптера на АРМ се вклучени во гаснење на пожарот што денеска повторно се активира и се рашири на теренот меѓу битолските села Лисолај и Древеник.
Како што соопшти Дирекцијата за заштита и спасување, поради конфигурацијата и непристапноста на теренот, гаснењето со копнени сили е невозможно.
Пожарот се појави вчера и беше локализиран, но денеска повторно се активира и брзо се рашири.