Граѓаните на градот Скопје имаат право да бидат целосно и транспарентно информирани за активностите на градската администрација. Во таа смисла, најостро го осудуваме вербалниот напад врз новинарката на новинската агенција „Мета” која си ги извршувала своите обврски, велат од ЈП Комунална хигиена Скопје.
– Против вработените, ЈП Комунална хигиена Скопје ќе поведе соодветна дисциплинска постапка. Ги охрабруваме сите медиуми и јавноста будно да ја следат работата на ЈП Комунална хигиена Скопје. Нашето претпријатие за сите прашања останува отворено и транспарентно, додаваат од ЈП Комунална хигиена Скопје.