По сообраќајната несреќа што се случи на автопатот во Бугарија на 14.8.2022 година, во која учествуваше автобус од Србија, припадници на сообраќајната полиција извршија надзор над правното лице – сопственикот на тоа возило, како и врз претприемач кој е корисник на автобусот по договор за закуп. Кај правното лице – сопственик на возилото е констатирано дека сторил прекршоци од Законот за работното време на екипите на возилата во патниот превоз и тахографите, за што се прекршочни налози и е изречена казна од 3.510.000 динари, а изготвено е едно барање за поведување прекршочна постапка по Законот за безбедност на сообраќајот на патиштата, соопшти српското МВР.
Како што се наведува во соопштението, при надзор на корисникот на возилото по договор за закуп, кој инаку поседува важечка дозвола за превоз на патници, констатирани се прекршоци од Законот за работно време на екипите на возилата во патниот превоз.
За потсетување, осум деца и четворица возрасни беа повредени во неделата на 14 август кога автобусот со членовите на фолклорниот ансамбл ЈУ Лира од Батајница се преврте на автопатот Тракија.
Обвинителот рече дека техничкиот преглед е завршен, дека нема ништо што укажува дека автобусот е неисправен, а најверојатно причина за несреќата е човечка грешка.
Децата патуваа од Несебар и се дел од фолклорниот ансамбл ЈУ-ЛИРА. Сите патници се од Србија, повеќето од Батајница близу Белград.