Премиерлигашите повеќе нема да клечат пред почетокот на секој натпревар за да покажат солидарност во борбата против расизмот, туку тоа ќе го прават „во значајни моменти“, објавија капитените на тимовите од Премиер – лигата.
Фудбалерите во Премиер лигата го воведоа обичајот да клечат пред почетокот на секој натпревар, откако Афроамериканецот Џорџ Флојд беше убиен од бел полицаец во САД во 2020 година.
„Остануваме решени да ги искорениме сите расни предрасуди и да создадеме инклузивно општество кое негува почит и еднакви можности за сите“, соопштија капитените на англиските тимови од елитата.
Извор: Топспорт