Министерството за одбрана на Русија објави видео за кое вели дека прикажува оклопни возила напуштени од украинските сили во неодамна окупираниот Лисичанск.
На снимката се гледаат оштетени оклопни возила, камиони и оклопни транспортери. Покрај некои улици има ископани ровови. Руското министерство тврди дека овие снимки индиректно укажуваат на тоа дека вооружените сили на Украина планирале да водат долготрајни улични битки, но на крајот одлучиле да се повлечат.
Во неделата рускиот министер за одбрана Сергеј Шојгу го информираше рускиот претседател Владимир Путин дека руските сили воспоставиле контрола над Лисичанск и блиските населби.